Kára á Dunga er skrásett ognarmeklari og advokatskrivari HU við fleiri árs royndum bæði hjá Advokatskrivstovuni og Advokatfelagnum. Herumframt er Kára útbúgvin í leiðslu og marknaðarføring.

Húsamekling og verkætlanir og alt sum hartil hoyrir hevur verið fastur partur av allari hennara starvsleið.

Kára tók við sum stjóri í Betri Heim tann 1. mai 2010.

Dánjal Jákup Wiberg Holm er útbúgvin húsasmiður og byggifrøðingur.

Dánjal Jákup hevur lisið á byggitekniska háskúlanum í Odense og hevur royndir innan byggivinnuna, bæði í Føroyum og í Danmark. Herumframt hevur hann verið sjálvstøðugur vinnurekandi innan húsasmíð og byggifrøðiliga ráðgeving.

Dánjal Jákup byrjaði hjá Betri Heim í oktober 2010 og tekur sær av metingum, verkætlanum, vegleiðing og ráðgeving o.ø.

Jákup Andrias er skrásettur ognarmeklari og er útbúgvin á CPH-business í Keypmannahavn. Jákup Andrias hevur herumframt royndir úr fíggjarheiminum í Betri Banka, har hann er útbúgvin fíggjarráðgevi. Í løtuni lesur Jákup Andrias til valuar ígjøgnum CPH-business í Keypmannahavn.

Jákup Andrias er settur í starv hjá Betri Heim í august 2015 og tekur sær av dagliga søluarbeiðinum, verkætlanum, metingum, vinnumetingum og vegleiðing innan fíggjarviðurskifti.

Jákup Andrias er serliga knýttur at høvuðsstaðarøkinum, Norðstreymoy og Eysturoy.

Kári Nielsen er útbúgvin fíggjarráðgevi og hevur arbeitt í Betri Banka í mong ár. Herumframt hevur Kári drúgvar royndir úr sølu- og tænastuvinnuni.

Kári er settur í starv í Betri Heim 1. oktober 2018 og tekur sær av dagliga søluarbeiðinum, metingum og vegleiðing innan fíggjarviðurskifti.

Kári er knýttur at høvuðsstaðarøkinum, Vágum, Sandoy og Suðuroy.

Tróndur Jensen hevur lokið útbúgving sum fíggjarbúskaparfrøðingur og hevur undir útbúgvingini verið í starvslæru hjá meklara. Frammanundan hevur Tróndur royndir í tænastuvinnuni.

Tróndur er settur í starv hjá Betri Heim í juli 2020 og tekur sær av dagliga søluarbeiðinum og metingum.

Tróndur er knýttur at høvuðsstaðarøkinum, Norðurstreymoy og Suðuroy.

Vinnie Winther er útbúgvin á flutningsskrivstovu við speditør sum sergrein. Vinnie hevur herumframt drúgvar royndir í handilstænastuni.

Vinnie byrjaði í Betri Heim í september 2022 og tekur sær av skeytisskriving og tinglýsing.

Høgni hevur í 2020 lokið teoretiska partin av ognarmeklaraútbúgvingini. Herumframt er hann útbúgvin innan virðkisbúðskap á Aalborg Universiteti við sergrein innan fíggjarstýring.

Seinastu nógvu árini hevur Høgni starvast innan sølu, marknaðarføring og ráðgeving á bæði føroyska og danska marknaðinum.

Høgni byrjaði sum sølumaður hjá Betri Heim 1. februar 2024.

Sóley Kerlok hevur lisið tænastubúskap og er útbúgvin margmiðlasniðgevi. Harumframt hevur hon tikið ein professiónsbachelor í innovatión og íverksetan.

Sóley hevur drúgvar royndir úr ferðavinnuni, har hon hevur arbeitt innan sølu og samskipan og staðið fyri verkætlanum av ymiskum slagi.

Sóley byrjaði hjá Betri Heim í februar 2024 og tekur sær av at samskipa lívliga gerandisdagin á skrivstovuni.