Kára er skrásett ognarmeklari og advokatskrivari HU við fleiri árs royndum bæði hjá Advokatskrivstovuni og Advokatfelagnum. Herumframt er Kára útbúgvin í leiðslu og marknaðarføring.

Húsamekling og verkætlanir og alt sum hartil hoyrir hevur verið fastur partur av allari hennara starvsleið. 

Kára tók við sum stjóri í Betri Heim tann 1. mai 2010.

Dánjal Jákup er útbúgvin húsasmiður og byggifrøðingur. Dánjal Jákup hevur lisið á byggitekniska háskúlanum í Odense og hevur royndir innan byggivinnuna, bæði í Føroyum og í Danmark. Herumframt hevur hann verið sjálvstøðugur vinnurekandi innan húsasmíð og byggifrøðiliga ráðgeving. 

Dánjal Jákup byrjaði hjá Betri Heim í oktober 2010 og tekur sær av metingum, verkætlanum, vegleiðing og ráðgeving o.ø.

Tróndur hevur lokið útbúgving sum fíggjarbúskaparfrøðingur og hevur undir útbúgvingini verið í starvslæru hjá meklara. Frammanundan hevur Tróndur royndir í tænastuvinnuni. 

Tróndur byrjaði sum sølu- og metingarmaður hjá Betri Heim í juli 2020 og tekur sær av dagligu søluni og metingum.

Høgni hevur í 2020 lokið teoretiska partin av ognarmeklaraútbúgvingini. Herumframt er hann útbúgvin í virkisbúskapi á Aalborg Universiteti við sergrein í fíggjarstýring.

Seinastu nógvu árini hevur Høgni starvast innan sølu, marknaðarføring og ráðgeving á bæði føroyska og danska marknaðinum.

Høgni byrjaði sum sølu- og metingarmaður hjá Betri Heim 1. februar 2024 og tekur sær av dagligu søluni og metingum.

Sóley hevur lisið tænastubúskap og er útbúgvin margmiðlasniðgevi. Harumframt hevur hon tikið ein professiónsbachelor í innovatión og íverksetan.

Sóley hevur drúgvar royndir úr ferðavinnuni, har hon hevur arbeitt innan sølu og samskipan og staðið fyri verkætlanum av ymiskum slagi.

Sóley byrjaði hjá Betri Heim í februar 2024 og tekur sær av skeytum og tinglýsing.

John Daniel hevur lokið útbúgving í virkisbúskapi á Aalborg Universiteti, og seinastu árini hevur hann sum vinnurekandi starvast við sølu og ráðgeving. Herumframt hevur John Daniel royndir í húsamíð og menning av ferðavinnu á útoyggj.  

John Daniel byrjaði sum sølu- og metingarmaður hjá Betri Heim 1. november 2024 og tekur sær av dagligu søluni og metingum við serligum tilknýti til norðurøkið. 

Martin hevur nýliga lokið miðnámsútbúgving og hevur í nøkur ár í feriunum hjálpt til og fingið royndir í byggi- og søluvinnuni.

Martin byrjaði sum samskipari í juni 2025 og tekur sær av lívliga gerandisdegnum í Betri Heim.