Hevur tú sæð eitt heim, sum tú ert áhugað/ur í, kanst tú koma til opið hús ella avtala eina framsýning hjá okkum. 

Tá ið tú finnur dreymaheimið, skalt tú ofta handla skjótt. Fyri at bjóða uppá eitt heim krevst, at tú hevur váttan um fígging frá tínum peningastovni. Tí er best, at tú hevur tosað við tín bankaráðgeva fyri at vita, hvussu nógv tú kanst keypa fyri. 

Tað liggur á tær sum keypara at tryggja, at heimið, ið tú keypir, er í tí standi, tú væntar. Vit ráða tær tí til, at tú søkir tær stuðul, vegleiðing og ráðgeving frá fakfólki, sum tú kanst ráðgøra teg við, tá hugt verður eftir heiminum.

Heinta boðskjal her 

Tú ert eisini vælkomin á skrivstovuna, so hjálpa vit tær.

Treytir og lógir

Boðið skal standa við í minsta lagi 48 yrkatímar, undantikið leygar-, sunnu- og halgidagar.

Minsta mark fyri hægri boðgeving er kr. 25.000, og kr. 10.000 fyri ognir við prísuppskoti niðanfyri kr. 500.000.

Tá talan er um opið hús, verður tikið ímóti boðum aftaná, at opið hús er hildið.

Gev gætur! Boð eru einans galdandi saman við váttan um fígging frá fíggingarstovni. Boð eftir kl. 16.00 gerandisdagar eru galdandi frá kl. 10.00 morgunin eftir. Til ber IKKI at bjóða við freist leygar-, sunnu- og halgidagar.

Keypið kann iðrast skrivliga innan 6 yrkadagar, frá tí at kunning er givin, ímóti at rinda 1% í viðurgjaldi av keypsupphæddini. Keyp til vinnulig endamál eru ikki fevnd av iðranarrættinum.

10. desember 2021 varð løgtingslóg nr. 158 sett í gildi um at keypa fastogn í Føroyum. Persónar, sum hava fastan bústað í Føroyum, ella áður hava búð í Føroyum í samanlagt 5 ár, og ríkisborgarar, sum hava búð í ríkinum í samanlagt 5 ár, kunnu frítt keypa fastogn í Føroyum. Feløg og aðrir løgfrøðiligir persónar, sum hava høvuðssæti í Føroyum, kunnu á sama hátt keypa fastogn í Føroyum. Er fastognin ognað sbrt. § 3 í lógini, krevst ikki loyvi. Onnur skulu søkja Føroya Landsstýri um loyvi.